Erreserba Tel.: 946 583 192SARRERAK

Euskal kultura herrikoiaren aztarna berezko eta sustraituenetan bilaketa lana egin du Khami izeneko proiektu honek. Bilatze lan horretan, euskal folkloreak munduko beste zenbait folklorerekin dituen parekotasunak aurkitu dira, hauen artean berariazko nahasketak bilatuz.

Kultura nahasketen ardatz unibertsalari segika, Khami-k soinu berezkoa eta mestizoa elkartu ditu aldi berean, proiektuaren izaera agerian utziz. Kultura historian zehar izandako gertaeren testigantza emalea dela sinesten du proiektuak, betiere elkargune aldakor modura defendatuz. Horrela, muga geografiko zein denborazkoekin jolasean osagai ezberdinak nahastu dira, konpositorearen galbahetik pasata beti ere.

Eta noski, euskal folkloreaz ari garela, ezinbesteko gonbidatuak izan dira Txistu, Danbolin, Alboka edo Txalaparta doinuak. Ukitu ezberdina eta erabat berritzailea hartuko dute, ordea, Piano, Kontrabaxu eta Bateriarekin elkartuta.

Carlos Sagi: Bateria
Iñaki Salvador: Piano
Garikoitz Mendizabal: Txistu, alboka
Kike Arza: Kontrabaxua
Iraide Ansorena: Perkusioak

TOLA JAUREGIA

arriola

1989an Arriola Antzokia udalaren jabegokoa bihurtu zenetik arte eszeniko anitzetarako areto da. Arriola Kultur Aretoa Elkarteak eta Elorrioko Udalak sinatutako hitzarmenari esker Antzokiaren kudeaketa bitarikoa da. Arriolaren eskaintza: Helduendako eta umeentzako zinema, antzerkia eta umeentzako antzerkia; musika, dantza, antzerki-tailerrak, dantza-ikastaroak, hitzaldiak eta eztabaidak, hainbat ekintza pribaturako alokairua, kultur taldeentzako azpiegitura eta ekintza instituzionaletarako gunea. Arriola Antzokiaren ekintza estrategikoak: Elorrioko adin sektore desberdinentzako urteroko programazioa (umeak, gazteak, helduak eta jubilatuak). Arriola Elkartearen ekoizpenak: Arriolako Jazz-Blues jaialdia, Munduko kontu kontalariak; Gazteriari zuzendutakoak: Akadantz: dantza urbanoen lehiaketa, Break On Stage: break dance lehiaketa eta kultur urbanoen erakusketa, 24 Ordu Digitalean: laburmetraia-lehiaketa...

PROGRAMAZIOA

Igo