“Trash-aren maisulana”, “generoa definitu zuen lana”, “hamarkadako metal album hoberena”…horrelakoak eta beste kalifikazio batzuk jaso zituen 1990 urtean eta ondorengo kritiketan Megadeth taldearen “Rust In Peace” diskak. Birtuosismo instrumentalez josita, eta sekzio ugaridun kantez osatuta, metal progresiboko diskotzat hartzen da maiz. Horrelako aurkezpenarekin, ez da gauza makala Satxa Soriazuren laukoteak planteatzen duen erronka kanta hauen berrirakurketa jazzistikoa egiterakoan. Beti ere errespetu eta mirespenarekin, taldeak kanta bakoitzaren interpretazioari ekiten dio, agertzen diren riff ugariak jazz garaikidearen lengoaiara eramanaz. Megadeth-en ezaugarri den indarra galdu gabe, moldaketek neurri handi batean jatorrizko bertsioen egitura konplexuak errespetatzen dituzte, era berean banakako zein taldeko inprobisaketa zatiak agertzen direlarik.

Satxa Soriazu: Pianoa
Kike Arza: Kontrabaxua
Alejandro Mingot: Gitarra
Dani Lizarraga: Bateria