“CONTROL FREAK” umorea, zuzeneko musika, zirkua eta teknologia uztartzen dituen pertsona bakarreko ikuskizuna da.

Pertsonaia irrigarri eta hunkigarri batek publikoarekin jarduteko ahaleginak egiten ditu, bere jendetasun eskasarekin eta eszenatokian dituen sistema konplexuekin borrokan diharduen artean. Azkenean lortzen du zuzenean musika jotzea, eta aldi berean zirku-trebetasunak erakusten ditu, argiteria kontrolatzen du eta zuzenean bideoa editatzen du. Ikus-entzuleen artetik boluntarioak hartu eta orkestra-zurrunbiloan sartzen ditu; azkenean, publiko guztia murgiltzen da musikaren sorkuntza-prozesuan.

Ikuskizunak umore fina eta teknologia aurreratuena uztartzen ditu: artistak ia den-dena kontrolatzen du bai eszenatokian bai kanpoan, aktore-janzkian daramatzan gailu digitalen eta ordenagailuen bitartez. Showean erabiltzen diren tresnak bakarrak dira, azken 17 urte hauetan beren-beregi landutakoak.

“CONTROL FREAK”-en muina musika-konposizio atenporalen moldaketa landuak dira: hasi Bach, Beethoven eta Pachelbel-engandik eta Nina Simone, Beatles eta beste askorengan amaituz. Musika guztia zuzenean jo eta nahasitakoa da, oinekin kontrolatutako loop-station-ak erabiliz. Dibertigarria, xarmangarria eta berritzailea, CONTROL FREAK zeharo bakarra da.

Egilea, zuzendaritza, antzezlea, eszenografia, musika, argiztapena: Kulu Orr
Iraupena: 60 min.
Denontzat