Tretatxuk eta bere familiak gosea eta pobrezia pairatu zituzten. Agintariek dena lapurtu zieten: ortua, etxea… baita irribarrea ere. Baina ume bihurri hura hazi egin zen, eta inguruko bidelapurrik miretsiena bihurtu zen.

Lapurren gobernadore honek hamaika abentura eta erronka biziko ditu: boteretsuei egindako lapurretak, arriskuz betetako ihesaldiak, ezinezko ezkutalekuak, maitasun-istorio korapilatsuak eta amaierarik gabeko dantzak. Beti arriskuaren mugan eta beti heriotza saihesten. Eta, hala ere, herriaren bihotza irabaziko du, bere altxorrik preziatuena.

Alabaina, heroirik ausartenak ere despistatzen dira. Tretatxuk, bere balentrietan murgilduta, etxekoak ahaztu ditu. Baina, zorionez, bizitzak oraindik azken erronka bat botako dio: samurtasunez beteriko borroka bat.

Jatorrizko ideia: Miren Larrea
Testuak: Miren Amuriza
Zuzendaritza: Ivan Alonso
Antzezleak: Miren Larrea eta Valentina Raposo
Zuzendaritza artistiko, teknikoa eta argi diseinua: Ion Chávez
Jatorrizko musika eta bertsioak: Fran Lasuen
Eszenografiaren diseinua: Calvito&Tupe
Titereen diseinua eta eraikuntza: Valentina Raposo
Jantzien diseinua eta joskintza: Betitxe Saitua
Titereen jantziak: Paulette San Martín
Atrezzoa: Javi Tirado
Iraupena: 50 min.